گرمی کی لہر مزید بڑھے گی یا کمی آئے گی؟ محکمہ موسمیات کی اہم پیشگوئی

موجودہ گرمی کی لہر مزید بڑھے گی یا اس میں کمی آئے گی؟محکمہ موسمیات نے موسم کے متعلق اہم پیشگوئی کر دی۔
محکمہ موسمیات کا کہنا ہے کہ آئندہ چند روز تک موسم گرم اور مرطوب رہےگا،تاہم شہر قائد کراچی کے درجہ حرارت میں سمندری ہوائیں بحال ہونے سے ایک سے دو سینٹی گریڈ کمی آنے کی توقع ہے۔دوسری طرف گزشتہ روز وفاقی دارالحکومت اسلام آباد میں بارش اور ژالہ باری کے بعد موسم خوشگواراور ٹھنڈا ہو گیا۔
موسم کاحال بتانےوالوں کاکہناہےکہ ملک کےدیگرعلاقوں میں موسم گرم اورخشک رہنےکاامکان ہے،جبکہ چندمقامات پربارش اورژالہ باری کی توقع ہے،وفاقی دارالحکومت اسلام آباداورگردونواح میں تیزہواؤں اور گرج چمک کےساتھ چندمقامات پربارش کاامکان ہے۔اُدھر خیبرپختونخواکےبیشتراضلاع میں موسم خشک اورگرم رہنےکی توقع ہے،چترال،دیر،سوات،مالاکنڈ،شانگلہ اورکوہستان میں گرج چمک کےساتھ بارش کاامکان ہے۔
محکمہ موسمیات کےمطابق پنجاب کےبیشتراضلاع میں موسم گرم اورخشک رہنےکاامکان ہے، مری، گلیات،راولپنڈی،چکوال،جہلم اورتلہ گنگ میں گرج چمک کےساتھ بارش اورژالہ باری کاامکان ہے، اُدھر سندھ کےبیشتراضلاع میں موسم گرم اورخشک رہنےکاامکان ہے ،دوسری جانب بلوچستان کےبیشتراضلاع میں موسم خشک اورگرم رہنےکی توقع ہے،کشمیراورگلگت بلتستان میں تیزہواؤں اورگرج چمک کےساتھ بارش کاامکان ہے۔