گرین پاکستان جدیدزراعت کےفروغ کاانقلاب ہے،وزیراعلیٰ مریم نواز

وزیراعلیٰ پنجاب مریم نوازنےکہاہےکہ گرین پاکستان جدیدزراعت کےفروغ کاانقلاب ہے۔
کنڈائی اور شاپو کے علاقوں میں منصوبوں کی افتتاحی تقاریب کا انعقاد کیاگیاجس میں وزیراعلیٰ پنجاب مریم نوازاورآرمی چیف جنرل سیدعاصم منیرنےشرکت کی۔تقریب میں نیشنل فوڈ سیکیورٹی و تحقیق کے وفاقی وزیر رانا تنویر حسین، وفاقی وزیر آبی وسائل ڈاکٹر مصدق ملک بھی شریک ہوئے۔ پنجاب کی سینئروزیر مریم اورنگزیب، وزیر زراعت لائیو اینڈ سٹاک سید عاشق حسین کرمانی، وزیر آبپاشی محمد کاظم پیرزادہ کے علاوہ متعلقہ وفاقی اور صوبائی سیکرٹری بھی موجود تھے۔
پنجاب میں زراعت کوماڈرن اورجدیدبنانےکاانقلابی اورکسانوں کوتمام زرعی سہولیات ایک چھت تلےفراہم کرنےکےمنصوبےکاافتتاح کردیاگیاجبکہ 5ہزارایکڑپرمشتمل جدیدزرعی فارم کابھی آغاز کیاگیا۔
گرین ایگری مال کسانوں کومعیاری بیج،کھاد،کیڑےمارادویات رعایتی قیمت پرفراہم کرےگا،کسانوں کوڈرونزسمیت زرعی مشینری رعایتی کرائےپردستیاب ہوگی۔ایک چھت تلے،ایک کمپنی کےذریعےکسانوں کوزراعت سےمتعلق تمام سہولت میسرہوں گی۔
وزیراعلیٰ پنجاب مریم نوازکاتقریب سےخطاب کرتےہوئے کہناتھاکہ چولستان اورپنجاب میں آج جدیدزراعت کےانقلاب کی بنیادرکھ دی ہے،زراعت کی ترقی کسان اورپاکستان کی خوش حالی کی ضمانت ہے،گرین پاکستان جدیدزراعت کے فروغ کاانقلاب ہے۔