گولڈمیڈلسٹ ارشدندیم کی کامیابی:آرمی چیف کاخراج تحسین

پیرس اولمپکس میں تاریخی کامیابی اورگولڈمیڈل حاصل  کرنے والے قومی  ہیرو ارشد ندیم کوآرمی چیف جنرل سیدعاصم منیرنےخراج تحسین پیش کیا۔
پیرس اولمپکس میں 118سالہ ریکارڈتوڑنےاور92.97کی جیولن تھروپھینک کرملک کانام روشن کرنےوالےفخرپاکستان ارشدندیم کےاعزازمیں تقاریب اورانعامات کاسلسلہ جاری ہے۔
پاک فوج کےشعبہ تعلقات عامہ (آئی ایس پی آر)کےمطابق گولڈ میڈلسٹ ارشد ندیم کی تاریخی کامیابی پر جی ایچ کیو راولپنڈی میں خصوصی تقریب کاانعقادکیاگیا۔چیف آف آرمی سٹاف جنرل سید عاصم منیر کی جانب سے ارشد ندیم کو خراج تحسین پیش کرنے کے لیے تقریب منعقد کی گئی ۔تقریب میں 1984 اولمپکس میں گولڈ میڈل جیتنے والی ہاکی ٹیم، قومی کرکٹ ٹیم، سٹریٹ فٹبال ٹیم ،آرمی پولو ٹیم اور نابینا افراد کی خصوصی ٹیم نے بھی شرکت کی۔
آئی ایس پی آرکاکہناتھاکہ خواتین کی گول بال ٹیم ، کامن ویلتھ گیمزمیں میڈل جیتنے والے کھلاڑیوں سیف اور ایشن گیمز میں حصہ لینے والے کھلاڑیوں نے بھی شرکت کی۔ شرکاء میں نامور کھلاڑی جہانگیر خان،صلاح الدین، شہباز سینئر ،سہیل عباس ، محمد آصف اور اعصام الحق قریشی بھی موجود تھے ۔ارشد ندیم کے اہل خانہ ساتھیوں اور کوچز نے بھی تقریب میں شرکت کی۔

ترجمان پاک فوج  نے کہا کہ  آرمی چیف نے سنگلز مقابلوں میں طلائی تمغہ جیتنے پر ارشد ندیم کو مبارکباد دی ، انہوں نے محنت اور عزم کی اہمیت پر زور دیتے ہوئے ارشد کے عاجزانہ آغاز سے عظمت کے حصول تک کے متاثر کن سفر پر روشنی ڈالی۔