گوگل کا جیمنی لائیو اسسٹنٹ مفت پیش کرنے کا اعلان

گوگل کے صارفین کیلئے خوشخبری،معروف ٹیکنالوجی کمپنی نے جیمنی لائیو اسسٹنٹ مفت پیش کرنے کا اعلان کردیا۔
گوگل نے اعلان کیا ہے کہ اس کا جیمنی لائیو اسسٹنٹ، جو ابتدائی طور پر پکسل 9 سیریز کے ساتھ لانچ کیا گیا تھا ، اب جیمنی ایپ کے ذریعے تمام فری صارفین کیلئے مفت دستیاب ہو گا۔ اس سے پہلے لائیو اسسٹنٹ کو تمام صارفین کیلئے ریلیز سے پہلے جیمنی ایڈوانسڈ صارفین تک محدود کردیا گیا تھا۔
جیمنی لائیو اب ایک بہترین آواز کی کمانڈ کے ساتھ پیش کیا گیا ہے ،جو زیادہ تر اصل تقریر یا گفتگو کے طور پر پیش کرتا ہے، جس میں وقفے اور فلر الفاظ شامل ہیں اور کم روبوٹک آواز آؤٹ پٹ میں پیش کرتا ہے۔معیاری جیمنی اور گوگل اسسٹنٹ کے برعکس، یہ سیاق و سباق کو زبردست اندازمیں یاد بھی رکھتا ہے، فی الحال اپ گریڈڈ چیٹ بوٹ ابھی صرف انگریزی تک محدود ہے۔گوگل نے ایکس ڈاٹ کام کے ذریعے جیمنی لائیو کے وسیع پیمانے یعنی تمام صارفین کیلئے پیش کرنے کی تصدیق کی ہے، جو اس کے جدید اے آئی ٹولز کو زیادہ قابل رسائی بنانے میں اہم ا قدام اورسنگ میل ہے۔