طلباکی موجیں ختم، تعلیمی ادارے اب ہفتے کو بھی کھلیں گے

طلبا و طالبات کیلئے اہم خبر، ہفتہ کی چھٹی ختم، وفاق کے زیر انتظام تعلیمی ادارے اب ہفتے کو بھی کھلیں گے۔
وفاق کے زیر انتظام تعلیمی اداروں میں ہفتہ کی چھٹی ختم کرنے کا فیصلہ سامنے آ گیا ۔
وفاقی نظامت تعلیم نے کہا ہے کہ تعلیمی اداروں کی بندش کی وجہ سے طلبا کی تعلیمی سرگرمیاں متاثر ہوئیں اور اس نقصان کو پورا کرنے کے لیے ہفتہ کے دن کو ورکنگ ڈے قرار دے دیا گیا ہے۔
نوٹیفکیشن کے مطابق یہ فیصلہ یکم فروری 2025 تک جاری رہے گا۔ اس فیصلے کا مقصد تعلیمی نظام میں تسلسل کو برقرار رکھنا اور طلبا کی تعلیمی کمی کو پورا کرنا ہے۔
وزارت تعلیم نے کہا کہ یہ اقدام تمام تعلیمی اداروں میں یکساں طور پر لاگو ہوگا تاکہ تعلیمی معیار کو بہتر بنایا جا سکے۔