ہیٹی کےساحل پرکشتی میں آتشزدگی،40افرادہلاک

ہیٹی سے ٹرکس اور کایکوس جزائر جانے والی ایک کشتی میں المناک آتشزدگی سے40افرادہلاک ہوگئے۔
غیرملکی میڈیاکےمطابق انٹرنیشنل آرگنائزیشن فار مائیگریشن کا کہنا ہے کہ حادثے کا شکار ہونے والی کشتی میں 80 سے زائد افراد سوار تھے۔جس میں اچانک آگ بھڑک اٹھی ،جودیکھتےہی دیکھتےہرطرف پھیل گئی۔
بیان کے مطابق ہیٹی کے کوسٹ گارڈ نے 41 افراد کو بچا لیا۔
آئی او ایم کے سربراہ گریگوئیر گڈسٹین نے اس المناک واقعے کی ذمہ داری ہیٹی کے سکیورٹی حکام پر عائد کرتے ہوئے کہا ہے کہ ہیٹی کی سماجی و اقتصادی صورت حال تشویشناک ہے جس کی وجہ سے لوگ انتہائی قدم اٹھانے پرمجبور ہورہے ہیں۔
غربت زدہ کیریبین ملک سے شہریوں کی ہجرت کا سلسلہ کئی ماہ سے جاری ہے، جن میں ہزاروں لوگ قابض جرائم پیشہ گروہوں کے تشدد سے بچنے کیلئے ملک سے نکل رہے ہیں۔