یورپین یونیورسٹیوں میں سکالرشپ پر ماسٹرز ڈگری کا سنہری موقع

پاکستانی طلباو طالبات کیلئے خوشخبری، یورپین یونیورسٹیوں میں سکالرشپ پر ماسٹرز ڈگری کا سنہری موقع،ہائیر ایجوکیشن کمیشن (ایچ ای سی) نے پاکستانی طلبا سے ایراسمس منڈس جوائنٹ ماسٹرز سکالر شپ پروگرام کے تحت درخواستیں طلب کر لیں۔
یہ پروگرام بین الاقوامی تعلیمی تجربات، ثقافتی تبادلے اور علمی فضیلت کیلئے ڈیزائن کیا گیا ہے۔اس سکالر شپ کے ذریعے پاکستانی طلبا انجینئرنگ، سوشل سائنسز، نیچرل سائنسز اور اکنامکس سمیت مختلف شعبوں میں ماسٹرز ڈگری مکمل کر سکیں گے۔
پروگرام کا مقصد پاکستانی نوجوانوں کی عالمی مسابقت اور تعلیمی صلاحیت میں اضافہ کرنا ہے۔سکالرشپ کے تحت مکمل ٹیوشن فیس، ماہانہ وظیفہ، ہیلتھ انشورنس، سفری اور ویزا اخراجات بھی شامل ہیں، جس سے طلبا کو بیرونِ ملک تعلیم حاصل کرنے میں مکمل مالی معاونت فراہم کی جائے گی۔