یومِ دفاع کے موقع پر آئی ایس پی آر کا نیا نغمہ’’اللہ ہو‘‘ جاری

یوم دفاع و شہداء کے موقع پر آئی ایس پی آر نے نیا ملی نغمہ’’اللہ ہو‘‘جاری کر دیا۔
معروف گلوکار ساحر علی بگا کی آواز میں نغمہ، تینوں مسلح افواج کی یکجہتی اور وطن سے بے مثال وفا کی عظیم داستا ن ہے،نغمے میں پاک افواج کی بہادری اور پاکستانی قوم کے جذبے کو خراجِ تحسین پیش کیاگیا۔نغمے میں ’’اللہ ہو‘‘ کی گونج دشمن کو للکار اور وطن سے محبت کا پیغام ہے۔اس میں  پاکستان کی مسلح افواج کے دفاعِ وطن کی شاندار عکاسی کی گئی، جس میں بہادری، قربانی اور وطن کے وقار کا دلکش امتزاج شامل ہے،نغمے کے ذریعے سرحدوں کے محافظ پاک فوج کے جانبازوں کو زبردست خراجِ تحسین پیش کیاگیاہے۔
اس نغمے میں آسمانوں کی نگہبان پاک فضائیہ کی پیشہ ورانہ مہارت اور جرات مندانہ کردار کو اجاگر کیا گیااور ملک کی بحری سرحدوں کی پاسبان پاک بحریہ کے شاندار کارناموں کو سراہا گیا۔
آئی ایس پی آر کا جاری کردہ نیا ملی نغمہ قربانی اور تجدیدِ عہد وفا کا پیکر ہے۔