یوم آزادی: پی آئی اے کامسافروں کیلئےخصوصی رعایت کا اعلان

یوم آزادی کے موقع پر پاکستانی فضائی مسافروں کیلئے خوشخبری،قومی ائیر لائن پی آئی اے نے جشن ِ آزادی کے موقع پر مسافروں کیلئے کرایوں میں خصوصی رعایت کا اعلان کردیا۔
ترجمان پی آئی اے کے مطابق قومی ایئرلائن 14 اگست کو سفر کرنیوالے مسافروں کو فضائی ٹکٹس پر 14 فیصد ڈسکاؤنٹ فراہم کرے گی۔رعایت کا اطلاق ڈومیسٹک، سعودی عرب، گلف ممالک، یو اے ای اور کویت کے ٹکٹس پر ہوگا، جبکہ لاہور سمیت ملک بھر کے ریزرویشن دفاتر کو اس حوالے سے ہدایات جاری کردی گئی ہیں۔
دوسری جانب ایک نجی ایئر لائن نے بھی جشن آزادی کی مناسبت سے کرایوں میں 14فیصد رعایت کا اعلان کیا ہے۔
ترجمان نجی ایئرلائن کے مطابق 11 سے 17 اگست تک خریدے گئے ڈومیسٹک اور یو اے ای کے ٹکٹس پر 14 فیصد رعایت دی جائے گی، جو 11 اگست سے 30 ستمبر تک کے سفر کیلئے قابلِ استعمال ہوں گے۔