یوم دفاع اور معرکہ حق کی مناسبت سے مختلف سکولوں میں تقاریب کا انعقاد

یوم دفاع و معرکہ حق کی مناسبت سے مختلف سکولوں میں تقاریب کا انعقاد، پشاور میں پاک فوج کے زیر اہتمام یوم دفاع و شہداء کی مناسبت سے مختلف سکولز میں تقاریب کا انعقاد کیا گیا۔
یوم دفاع و شہداء کی مناسبت سے پشاور کے مختلف سکولز (ٹریژر آف نالج سکول سسٹم پشاور،اسلامیہ سکول اینڈ کالج اور سرحد پبلک سکول ) میں تقاریب کا انعقاد کیا گیا ۔ تقاریب میں پاک فوج کے آفیسرز اور جوانوں نے شرکت کر کے بچوں کی حوصلہ افزائی کی ۔
بچوں نے پاک فوج کے ساتھ مل کر پرچم کشائی کی اور ملکی سلامتی کے لیے اجتماعی دعائیں کیں۔ طلباء و طالبات نے ملی جذبے سے بھرپور تقاریر، نغمے اور خوبصورت ٹیبلوز پیش کیے۔ طالبہ کی خوبصورت پرفارمنس، حب الوطنی اور تخلیقی صلاحیتوں کو سراہا گیا۔ تقریبات کا اختتام نمایاں کار کردگی دکھانے والے طلبہ میں انعامات کی تقسیم اور پاکستان زندہ باد کے فلک شگاف نعروں کے ساتھ ہوا۔