یوٹیوب کافیملی سینٹرل ورلڈ وائڈ نامی زبردست فیچر متعارف

یوٹیوب نےفیملی سینٹرل ورلڈ وائڈ فیچر متعارف کرا دیا۔اب والدین اپنے یوٹیوب استعمال کرنیوالے بچوں کی سرگرمیوں پر نظر رکھ سکیں گے۔
یوٹیوب کی انتظامیہ کا کہنا ہے کہ یہ فیچر والدین اور بچوں کے درمیان بہتر ماحول پیدا کرنے کیلئے ڈیزائن کیا گیا ہے، جس سے والدین کو اس بات پر نظر رکھنے میں مدد ملے گی کہ آیا ان کے بچے ویڈیو پلیٹ فارم پر کیا کچھ کر رہے ہیں۔والدین اپنے یوٹیوب اکاؤنٹس کو فیملی سینٹر آپشن میں جا کر اپنے بچوں کے اکاؤنٹ سے لنک کر سکتے ہیں۔ اس فیچر کے ذریعے والدین اپنے بچوں کے یوٹیوب کی سرگرمی دیکھ سکیں گےکہ انہوں نے کتنی ویڈیوز اپ لوڈ کیں، کن چینلز کو سبسکرائب کیا اور وہ ویڈیوز پر کیا کمنٹس پوسٹ کر رہے ہیں۔
اس فیچر کے تحت نئی ویڈیو اپ لوڈ یا لائیو سٹریم ہونے کی صورت میں والدین کو رہنمائی کیلئے ایک ای میل موصول ہوں گی۔ اس فیچر کا مقصد والدین کو اپنے بچوں کے ساتھ ذمہ دارانہ مواد کی تخلیق اور آن لائن پروٹیکشن میں مدد فراہم کرنا ہے۔