یکم جنوری 2025سے کن اینڈرائیڈ فونز پر واٹس ایپ نہیں چلےگا؟

یکم جنوری 2025سے کن اینڈرائیڈ فونز پر واٹس ایپ کا استعمال ممکن نہیں ہوگا؟10 سال پرانا اینڈرائیڈ فون استعمال کرنیوالے صارفین کو ماہرین نے سمارٹ فون بدلنے کا مشورہ دیدیا۔
بصورت ِ دیگر یکم جنوری 2025 سے پرانےاینڈرائیڈ فونز پر واٹس ایپ استعمال کرنا ممکن نہیں ہوگا، کیونکہ میٹا نے پرانے اینڈرائیڈ فونز کیلئے اپنی مقبول ترین اپلی کیشن واٹس ایپ سپورٹ ختم کرنے کا فیصلہ کر لیا ہے۔خاص طور پر وہ سمارٹ فونز جو اینڈرائیڈ کٹ کیٹ پر چل رہے ہیں۔
تازہ ترین رپورٹ کے مطابق اینڈرائیڈ کٹ کیٹ یا اس سے پہلے کے آپریٹنگ سسٹم ورژنز پر چلنے والے سمارٹ فونز میں یکم جنوری سے واٹس ایپ تک رسائی ممکن نہیں ہوگی۔
رپورٹ کے مطابق یکم جنوری سے جن پرانے سمارٹ فونز پر واٹس ایپ استعمال کرنا ممکن نہیں ہوگا، ان میں سام سنگ کا گلیکسی ایس 3، ایس نوٹ 2، گلیکسی ایس 3، گلیکسی ایس 4 منی، موٹرولا موٹو جی (فرسٹ جنریشن)، ریزر ایچ ڈی، موٹو ای 2014، ایچ ٹی سی ون ایکس، ون ایکس پلس، ڈیزائر 500 اور ڈیزائر 601 شامل ہیں۔
اسی طرح ایل جی کے آپٹیمس جی، نیکسز 4، جی 2 منی اور ایل 90 ،جبکہ سونی کے ایکسپیریا زی، ایکسپیریا ایس پی، ایکسپیریا ٹی اور ایکسپیریا وی اسمارٹ فونز بھی واٹس ایپ سے محروم ہو جائیں گے۔
میٹا کی جانب سے پرانے آئی او ایس ورژنز پر چلنے والے آئی فونز کیلئے بھی واٹس ایپ سپورٹ ختم کی جا رہی ہے اور مئی 2025 سے صرف آئی او ایس 15.1 پر کام کرنیوالے آئی فونز پر ہی اس میسجنگ ایپ کو استعمال کرنا ممکن ہوگا۔