190ملین پاؤنڈ:بانی پی ٹی آئی ،بشریٰ بی بی کیخلاف فیصلہ 6جنوری کوسنایاجائیگا

190ملین پاؤنڈریفرنس میں بانی تحریک انصاف عمران خان ا وراہلیہ بشریٰ بی بی کےخلاف فیصلہ آئندہ سال6جنوری کوسنایاجائےگا۔
احتساب عدالت کےجج ناصرجاویدرانانے190ملین پاؤنڈکیس کی سماعت کی،بانی پی ٹی آئی کےوکیل خالدیوسف چودھری عدالت میں پیش ہوئے۔
وکیل خالدیوسف چودھری نےکہاکہ ہم توقع کررہےہیں آج فیصلہ سنایا جائے گا ۔
جج ناصرجاویدرانانےریمارکس دئیےکہ آج فیصلہ نہیں سنایا جائے گا میں ذرا شیڈول چیک کرلوں،چھٹیاں آگئیں ہیں پھرلاہورمیں ٹریننگ بھی ہے،فیصلہ لکھ رہاہوں،10منٹ تک فیصلےکی تاریخ بتادیں گے۔
احتساب عدالت نے190ملین پاؤنڈریفرنس کےفیصلےکیلئےنئی تاریخ مقررکردی،بانی پی ٹی آئی عمران خان اوراہلیہ بشریٰ بی بی کےخلاف محفوظ فیصلہ 6جنوری کوسنایاجائےگا۔
احتساب عدالت نےفیصلےکی نئی تاریخ سےمتعلق فریقین کوآگاہ کردیا،احتساب عدالت کےجج ناصرجاویدرانامحفوظ فیصلہ سنائیں گے۔