190ملین پاؤنڈریفرنس:آخری گواہ پرجرح مکمل

190ملین پاؤنڈاسکینڈل میں وکلا صفائی نے ریفرنس کے آخری گواہ کے بیان پر جزوی جرح مکمل کر لی۔
اڈیالہ جیل میں 190ملین پاؤنڈریفرنس کی سماعت ہوئی۔ ریفرنس پر سماعت احتساب عدالت کے جج ناصر جاوید رانا نے کی۔
بانی پی ٹی آئی کی جانب سے ظہیر عباس چودھری، عثمان ریاض گل اور خالد یوسف چودھری وکیل عدالت پیش ہوئے۔بانی پی ٹی آئی اور بشریٰ بی بی کو کمرہ عدالت میں پیش کیا گیا۔ نیب ٹیم پراسیکیوٹر جنرل سردار مظفر عباسی کی سربراہی میں عدالت پیش ہوئی ۔
وکلا صفائی نے ریفرنس کے آخری گواہ ڈپٹی ڈائریکٹر میاں عمر ندیم کے بیان پر جزوی جرح مکمل کر لی۔
190 ملین پاؤنڈ اسکینڈل ریفرنس کی سماعت 26 اگست تک ملتوی کردی گئی۔