2800ارب روپےکاحکومتی ریلیف ، آئی ایم ایف سےمنظوری کامنتظر

2800ارب روپےکاحکومتی ریلیف پیکج ،آئی ایم ایف سےمنظوری کامنتظر،بین الاقوامی مالیاتی فنڈ نے وفاقی حکومت کے ریلیف پیکج پر سوال اٹھا دئیے۔
ذرائع کےمطابق وفاقی حکومت نے 2800 ارب روپے کاریلیف پیکج آئی ایم ایف سے شیئرکیا، آئی ایم ایف نےسوال کردیاکہ یہ رقم کہاں سے آئیگی اور کیسے خرچ ہوگی۔
ذرائع کےمطابق حکومت کاجواب کے1400 ارب روپے پی ایس ڈی پی سے کٹ کرینگے، کچھ شعبہ جات کی سبسڈیز ختم کرینگے، کچھ رقومات سرکاری اداروں کے منافع سے نکالی جائینگیں ۔ چاروں صوبوں کو ملنے والا پی ایس ڈی پی یونٹس اپنے فنڈز سے کٹوائینگے۔ ناکارہ پاور پلانٹس کو بند کرکےرقم بچائےگے۔آئی پی پیز سے معاہدےازسر نو ترتیب دئیے جائینگے جس سے بچت ہوگی۔
ذرائع کےمطابق وفاق کو پنجاب حکومت سے 699 ارب روپے ملنے کی توقع ہے۔سندھ سے بھی 351 ارب روپے ملنے کی امید ہے۔ وفاقی حکومت کو خیبرپختونخوا سے بھی231 ارب روپے کی توقع ہے۔علی امین گنڈا پور نے این ایف سی سے رقم کٹوتی سے صاف انکارکردیا ہے۔
ذرائع کےمطابق وفاقی وزارت خزانہ نے بھی پاکستان پیکج کےلیے رقم فراہم کرنے سےانکار کیا ہے، صوبوں سے مشاورت میں حوصلہ افزا جواب نہیں ملا،خرچہ تمام صوبوں کا ہوگا جبکہ سیاسی فائدہ پاکستان مسلم لیگ (ن ) اٹھانا چاہتی ہے۔