3روزاضافےکےبعدسونےکی قیمت میں کمی

تین روزمسلسل اضافےکےبعدمقامی وعالمی مارکیٹ میں سونےکی قیمت میں کمی ہوگئی۔
ہفتےکےآخری روزصرافہ مارکیٹ میں فی تولہ سونےکی قیمت میں 1200 روپے کی کمی ہونےسےفی تولہ سونا 2 لاکھ 75 ہزار 700 روپےکا ہوگیا جبکہ 10 گرام سونا 1029 روپے سستا ہو کر 2 لاکھ 36 ہزار 368 روپے کا ہوگیا ۔
عالمی مارکیٹ میں سونےکی قیمت میں 18ڈالرکی کمی ہونےسے 2639 ڈالرز فی اونس کی سطح تک آ گیا ۔
چاندی کی قیمت میں کسی قسم کااضافہ یاکمی نہیں ہوئی جبکہ چاندی کی فی تولہ قیمت3 ہزار 350 روپے اور 10گرام چاندی کی قیمت بھی بغیر کسی تبدیلی کے 2 ہزار 872 روپے کی سطح پر مستحکم رہی۔
واضح رہےکہ گزشتہ روزصرافہ مارکیٹ میں سونےکی قیمت میں 2200روپے کااضافہ ہواتھاجس سےفی تولہ سونا2 لاکھ 76 ہزار 900 روپے کاہوگیاتھاجبکہ 10گرام سونےکی قیمت میں 1886روپےکااضافہ ہوا تھاجس سے10گرام سونا 2 لاکھ 37 ہزار 397 روپے کاہوگیاتھا۔
دوسری جانب عالمی بازار میں سونے کی قیمت 22 ڈالر اضافے سے 2657 ڈالر فی اونس ہوگئی تھی۔