4اکتوبر احتجاج کیس:عدالت نےغیر حاضر ملزمان کو طلبی کے نوٹسز جاری کردئیے
4اکتوبر احتجاج کیس میں عدالت نےغیر حاضر ملزمان کو دوبارہ طلبی کے نوٹسز جاری کردئیے۔
اسلام آبادکی انسداددہشت گردی عدالت کےجج طاہر عباس سپرا نے پی ٹی آئی راہنماوں اور کارکنان کیخلاف 4 اکتوبر احتجاج کے کیس کی سماعت کی۔مقدمہ میں نامزد 82 ملزمان میں سے 8 عدالت میں پیش ہوئے۔بانی پی ٹی آئی کی 3 بہنیں بھی مقدمہ میں نامزد ہیں ۔
عدالت نےغیرحاضرملزمان کو دوبارہ طلبی کے نوٹسز جاری کئےاورپیش ہونے والے ملزمان کی حاضری کے بعد سماعت ملتوی کردی ۔
پی ٹی آئی راہنماوں اور کارکنان کیخلاف تھانہ کوہسار میں مقدمہ درج ہے۔
دوسری جانب عدالت نےپی ٹی آئی کارکنان کیخلاف تھانہ سنگجانی کے مقدمہ میں اشتہاری کی کارروائی کا آغاز کردیا ، تھانہ سنگجانی کے مقدمہ میں اعظم سواتی عدالت میں پیش ہوئے ،60 ملزمان کی حد تک اشتہاری کی کارروائی شروع کی گئی،عدالت نے سنگجانی کے مقدمہ کی سماعت 3 اکتوبر تک ملتوی کردی۔
بعدازاں عدالت نےبانی پی ٹی آئی عمران و دیگر کیخلاف آزادی مارچ کیس کی سماعت کی ،بانی پی ٹی آئی عمران خان کے حوالے سے وزارت قانون کو لکھے گئے خط کا جواب تاحال نہ آیا ،جس پرعدالت نے کیس کی سماعت 17 ستمبر تک ملتوی کردی۔
پی ٹی آئی راہنماوں اور کارکنان کی جانب سے سردار محمد مصروف خان ،آمنہ علی، زاہد بشیر ڈار اور مرتضی طوری عدالت میں پیش ہوئے۔
Leave a reply
پاکستان ٹوڈے ڈیجیٹل نیوز پر شائع ہونے والی تمام خبریں، رپورٹس، تصاویر اور وڈیوز ہماری رپورٹنگ ٹیم اور مانیٹرنگ ذرائع سے حاصل کی گئی ہیں۔ ان کو پبلش کرنے سے پہلے اسکے مصدقہ ذرائع کا ہرممکن خیال رکھا گیا ہے، تاہم کسی بھی خبر یا رپورٹ میں ٹائپنگ کی غلطی یا غیرارادی طور پر شائع ہونے والی غلطی کی فوری اصلاح کرکے اسکی تردید یا درستگی فوری طور پر ویب سائٹ پر شائع کردی جاتی ہے۔