کرپشن کیس:عدالت نےیوسف رضاگیلانی کوبری کردیا

اینٹی کرپشن عدالت نےیوسف رضاگیلانی کوٹڈاپ کیس سمیت3مقدمات سےبری کردیا۔
چیئرمین سینیٹ یوسف رضاگیلانی وفاقی اینٹی کرپشن عدالت میں پیش ہوئے، جج نے چیئرمین سینیٹ یوسف رضا گیلانی سے مکالمہ کرتے ہوئے کہا آپ کے خلاف 3 مقدمات کا فیصلہ ہے، جس پرجواب میں یوسف رضا گیلانی کا کہنا تھا جی پتا ہے۔
عدالت نےیوسف رضاگیلانی کی جانب سےدائربریت کی درخواست منظور کرلی۔یوسف رضاگیلانی کےوکیل فاروق ایچ نائیک دلائل جمع کراچکے تھے۔
عدالت نے استفسار کیا آپ کس جیل میں جانا چاہیں گے، کراچی، ملتان یا اسلام آباد، جس پر یوسف رضا گیلانی کا کہنا تھا مجھے جیل سے کوئی ڈر نہیں، ہمارے لیے جیل نئی بات نہیں ہے، چاہیں تو مجھے پھانسی دے دیں، چیئرمین سینیٹ کے جواب پر اینٹی کرپشن عدالت کے جج مسکرا دیے۔
عدالت نے سوال کیا آپ کو گھر کی جیل کیوں پسند نہیں؟ جس پر یوسف رضا گیلانی نے کہا میرا آبائی گھر ملتان ہے، فیملی لاہور اور سینیٹ آفس اسلام آباد ہے۔
جج نے کہا تو آپ بتائیں، کورٹ تو کراچی میں ہے، یوسف رضا گیلانی نے جواب میں کہا پھر کہا جائے گا ان کی جماعت کی سندھ میں حکومت ہے۔
عدالت نے کہا گیلانی صاحب آپ کے خلاف کوئی الزام ثابت نہیں ہوا، آپ با عزت بری ہیں، آپ کے خلاف گواہی دینے والے اب خود ملزم بن گئے ہیں۔
عدالت نے 3 مقدمات کا ٹرائل مکمل ہونے کے بعد یوسف گیلانی سمیت 40 ملزمان کو کیس سے بری کر دیا۔
بعدازاں عدالت کےباہرمیڈیاسےگفتگوکرتےہوئےچیئرمین سینیٹ یوسف رضاگیلانی کاکہناتھاکہ جوبھی کام کرتاہوں آئین کےمطابق کرتاہوں،مجھ پر 2009میں کیس بنایاگیا،اگرکوئی سینیٹرجیل میں ہےتوقانون کےمطابق پروڈکشن آرڈرجاری کرسکتاہوں،کل ایک اورممبرکواٹھایاگیاہے۔