مریم نواز،نوازشریف کی میراث کامیابی سےآگےبڑھارہی ہیں،شہبازشریف

وزیراعظم شہبازشریف نےکہاہےکہ مریم نواز،نوازشریف کی میراث کامیابی سےآگےبڑھارہی ہیں۔

گوجرانوالہ میں ماس ٹرانزٹ منصوبے کی افتتاحی تقریب سےخطاب کرتےہوئے وزیراعظم شہبازشریف کاکہناتھاکہ نوازشریف کی قیادت میں مل کردن رات کام اورمحنت کریں گے، نوازشریف نے بطور وزیراعلیٰ اور وزیراعظم جو کام انجام دیے تاریخ ہمیشہ یاد رکھےگی۔نوازشریف کی قیادت میں پنجاب میں پہلی مرتبہ تعمیراتی سیاست کا آغاز ہوا،پورے پاکستان میں(ن) لیگ کانعرہ بلند ہوگا۔
اُن کامزیدکہناتھاکہ نوازشریف نے لاہور میں دل کے امراض کا پہلا ہسپتال تعمیر کرایا اور عام آدمی کے لیے ترقیاتی منصوبے تعمیر کرائے، نوازشریف کا سب سے بڑا کارنامہ ملک کو ایٹمی قوت بنانا ہے اور پاکستان اگر ایٹمی طاقت نہ ہوتا تو اس سال جنگ میں حالات مختلف ہوتے۔
وزیراعظم کاکہناتھاکہ آج آپ کے شہر میں جو منصوبہ وزیراعلیٰ پنجاب نے تحفہ دیا ہے اس سے پوری ضلع کی تقدیر بدلے گی، اس منصوبے سے شہریوں کو بے پناہ سہولتیں میسر ہوں گی۔ اس منصوبے سے بچے وقت پر سکول پہنچ سکیں گے، مزدور کارخانوں میں، وکلا عدالتوں میں پہنچ سکیں گے، غرض یہ کہ ماس ٹرانزٹ منصوبے سے زندگی کے ہر شعبے سے تعلق رکھنے والا مستفید ہوگا۔
اُنہوں نےکہاکہ آلودگی میں کمی پروزیراعلیٰ پنجاب مریم نوازاوراُن کی ٹیم کوشاباش ملنی چاہیے،لاہور کا شمار دنیا کے آلودہ ترین شہروں میں ہوتا تھا مگرسموگ میں آج کمی آئی ہے۔یہ تمام کام کوئی چاہے بھی تو اس کو چھپا نہیں سکتا اور مخالف کو بھی ان کاموں کا اقرار کرنا پڑےگا۔