ایران نے پُرامن مظاہرین پرتشدد یاانہیں قتل کیا تو امریکا بچاؤکیلئےآئےگا، ٹرمپ

امریکی صدرڈونلڈٹرمپ نےدھمکی دیتےہوئےکہاکہ ایران نے پرامن مظاہرین پر تشددکیا یاانہیں قتل کیاتو امریکا ان کے بچاؤ کیلئے آئے گا۔
امریکی صدرڈونلڈٹرمپ کاسوشل ٹروتھ پراپنےآفیشل اکاؤنٹ پرپیغام میں کہنا تھاکہ اگر ایران نے پُرامن مظاہرین پرتشدد کیا یا انہیں قتل کیا تو امریکا ان کے بچاؤ کے لیے آئے گا۔
ٹرمپ کامزیدکہناتھاکہ ہم مظاہرین کو بچانے جانےکے لیے مکمل طور پر تیار ہیں۔
امریکی صدرڈونلڈٹرمپ کی دھمکی پر ایرانی سپریم لیڈر آیت اللہ خامنہ ای کے مشیر علی لاریجانی نے جواب دیتےہوئے کہاکہ یہ بات ٹرمپ کو معلوم ہونا چاہیے کہ ایران کے احتجاجی معاملے میں امریکی مداخلت خطے میں افراتفری پھیلانے کے مترادف ہے۔
واضح رہےکہ گزشتہ کئی روزسے ایران میں مہنگائی اور کرنسی کی قدر گرنے کے خلاف احتجاجی مظاہرے جاری ہیں اور گزشتہ روز ایرانی سکیورٹی فورسز کے ساتھ جھڑپوں میں 6 مظاہرین ہلاک ہو گئے تھے جبکہ 30 مظاہرین کو گرفتار بھی کیا گیا تھا۔