تحریک انصاف کاآٹھ فروری کوشٹرڈاؤن ہڑتال کااعلان

پاکستان تحریک انصاف نےآٹھ فروری کوشٹرڈاؤن ہڑتال کااعلان کردیا۔
پاکستان تحریکِ انصاف (پی ٹی آئی) پنجاب کی جانب سے ایک اہم سرکلر جاری کر دیا گیا ہے، جس میں 8 فروری 2026 کو شٹر ڈاؤن ہڑتال کا اعلان کیا گیا ہے۔
پی ٹی آئی پنجاب نے تمام ریجنل صدور کو ہدایت کی ہے کہ وہ اسٹریٹ موومنٹ سے متعلق اپنا جامع پلان جمع کرائیں۔
سرکلر میں 8 فروری کی شٹر ڈاؤن ہڑتال کے لیے مکمل اور عملی منصوبہ 24 گھنٹوں کے اندر طلب کیا گیا ہے۔
پارٹی قیادت نے احتجاجی حکمتِ عملی، کارکنوں کی موبلائزیشن اور ذمہ داریوں کی واضح تقسیم کی بھی ہدایت کی ہے۔
سرکلر میں خبردار کیا گیا ہے کہ مقررہ وقت میں پلان جمع نہ کرانے کی صورت میں پارٹی قیادت سخت کارروائی کر سکتی ہے۔