فیفا فٹبال ورلڈ کپ کی ٹکٹوں کی تاریخ ساز ڈیمانڈ

فیفا ورلڈ کپ 2026 کے آغاز میں ابھی وقت باقی ہے، مگر شائقینِ فٹبال کے جوش نے پہلے ہی ایک نیا عالمی ریکارڈ قائم کر دیا ہے ۔ فیفا ورلڈ کپ 2026 کے لیے مختلف میچوں کے ٹکٹ حاصل کرنے کی درخواستیں 50 کروڑ سے تجاوز کر گئی ہیں ۔
فیفاورلڈ کپ کا جادوسرچڑھ کربولنے لگا ، فیفا ورلڈ کپ شروع ہونے سے پہلے ہی شائقین کا طوفان بے قابو،سب سے زیادہ دلچسپی 17 جون کو امریکی شہر میامی میں کھیلے جانے والے کولمبیا اور پرتگال کے میچ میں دیکھی جا رہی ہے۔ فیفا ورلڈ کپ 2026 کی میزبانی امریکا، میکسیکو اور کینیڈا مشترکہ طور پر کریں گے، جبکہ ایونٹ 11 جون سے 19 جولائی تک جاری رہے گا۔ اس ورلڈ کپ میں پہلی بار 48 ٹیمیں حصہ لیں گی ۔
فیفا کے مطابق ورلڈ کپ 2026 جیتنے والی ٹیم کو 5 کروڑ ڈالر انعامی رقم دی جائے گی، جبکہ رنر اپ ٹیم کو 3 کروڑ 30 لاکھ ڈالر ملیں گے۔