پاکستان ریلویز:نئی ریلوے لائنزکے منصوبوں پر مرحلہ وار کام کا آغاز

ریل کے مسافروں کیلئے سہولیات کاجدیدانداز،نئی ریلوے لائنزکے منصوبوں پر مرحلہ وار کام کا آغازہوگا۔
پاکستان ریلویز کے مطابق نوکنڈی سبی ریلوے اپ گریڈیشن سے بلوچستان میں معاشی رابطہ اور روزگارکا نیا باب شروع ہوگا۔بلوچستان میں معاشی ترقی اور تجارتی روابط کو مضبوط بنانے کیلئے 400 ملین ڈالرز کی لاگت سے 600 کلومیٹر طویل نوکنڈی، سبی، ریلوے لائن کی اپ گریڈیشن اپریل 2026 میں شروع ہورہی ہے،جس کی تکمیل کی مدت 3 سال مقرر ہے۔
منصوبے کے تحت درآمدی معیار کی ویلڈ لیس پٹری بچھائی جائے گی، جس پر بھاری مال بردار ٹرینیں 100 کلومیٹر فی گھنٹہ کی رفتار سے چل سکیں گی، جبکہ مختلف ٹرینوں کے مسافروں کیلئے سبی تا چاغی کا سفر5 سے 6 گھنٹوں سے کم ہو کر 2.5 سے 3 گھنٹے رہ جائے گا۔
ریل کا سفر رومانوی ہونے کیساتھ سستا بھی ہوتا ہے۔ یہی وجہ ہے کہ روزانہ لاکھوں مسافربین الاصوبائی اور بین الاقوامی سفر کیلئے ٹرین کے سفر کو ترجیح دیتے ہیں۔