ہوائی جہاز کی نشستیں کھڑکیوں کی سیدھ میں کیوں نہیں لگائی جاتیں؟

فضائی مسافروں کیلئے اہم خبر،جہاز کی نشستیں کھڑکیوں کی سیدھ میں کیوں نہیں لگائی جاتیں؟دلچسپ وجہ سامنے آ گئی۔
ہوائی جہاز میں سیٹیں کھڑکیوں کے بالکل سامنے نہیں ہوتیں اور عموماً یہ خیال کیا جاتا ہے کہ سیٹوں کی یہ ترتیب مسافروں کے تحفظ کیلئے ہوتی ہے،مگر حقیقت کچھ اور ہے۔
جہاز میں کھڑکیاں اس کی ساخت کے مطابق بنائی جاتی ہیں اور اونچائی پر دباؤ کی تبدیلیوں کو برداشت کرنے کیلئے ہوائی جہاز کو جتنی مضبوطی درکار ہوتی ہے، اسی حساب سے اس کی تمام سیٹس کے درمیان فاصلہ رکھا جاتا ہے۔جہاز ساز کمپنیوں کا مقصد ایک معیاری سفری سہولت فراہم کرنے کے ساتھ مسافروں کی حفاظت سے سمجھوتہ کیے بغیر اپنی آمدنی کو بڑھانا بھی ہے۔
جہاز کی سیٹوں کو کھڑکیوں کی سیدھ میں لانے سے اس میں زیادہ سیٹیں لگانا مشکل ہوگا اور حفاظتی معیار کی وجہ سے طیارہ ساز کمپنیوں کی آمدنی میں کمی آئے گی، اسی لیے کمپنیوں نے جہاز میں سیٹس لگانے کیلئے اپنا ایک معیاری طریقے کار بنایا ہوا ہے اور جہاز میں سیٹس ہمیشہ اسی طریقے کار کے حساب سے لگتی ہیں۔تمام ہوائی جہازوں کے ڈیزائن اور ان میں کھڑکیوں کی پوزیشن مختلف ہوتی ہے، ہر جہاز کے ڈیزائن اور اس کی کھڑکیوں کی پوزیشن کے حساب سے ان کی سیدھ میں سیٹیں لگانے سے جہاز ساز کمپنیوں کے اخراجات میں اضافہ ہوتا ہے،اس لیے جہاز میں سیٹیں لگانے کا معیاری طریقہ کار اور جہاز میں کھڑکیوں کی پوزیشن، دونوں شاذ و نادر ہی مماثل ہوتے ہیں۔