کورنگی صنعتی ایریا سے بھارتی خفیہ ایجنسی راء کے دو ایجنٹس کی گرفتاری کا مقدمہ

(پاکستان ٹوڈے) پولیس نے گرفتار راء ایجنٹس کو عدالت میں پیش کردیا, ملزمان کو سخت سیکیورٹی میں چہرہ ڈھانپ کر عدالت پہنچایا گیا

تفصیلات کے مطابق ملزمان دہشتگردی اور ٹارگٹ کلنگ میں ملوث اور اعلی تربیت یافتہ ہیں، ملزمان کے قبضے سے دو دستی بم اور اسلحہ ملا ہے، ملزمان بیرون ملک سے ملنے والے ٹارگٹس کی ریکی کرکے تفصیلات بیرون ملک بھیجتے تھے۔

ملزمان کو بیرون ملک سے ادایئگیاں بھی ہوتی رہی ہیں، ہائی پروفائل ملزمان سے جامع تفتیش اور نیٹورک کے دیگر ملزمان کی معلومات کے لئے جسمانی ریمانڈ دیا جائے۔

عدالت نے ملزمان خاور اور جابر کو تین روزہ ریمانڈ پر پولیس کے حوالے کردیا, عدالت نے آئندہ سماعت پر تفتیشی افسر سے پیش رفت رپورٹ طلب کرلی۔