ترمیمی آرڈینس:نیب نے مہلت مانگ لی

نیب ترمیمی آرڈینس کیس میں نیب نےرپورٹ جمع کرنےکےلئے مزیدمہلت مانگ لی۔
نیب ترمیمی آرڈینس 2024 چیلنج کرنے کی درخواست پر سماعت ہوئی۔اسلام آبادہائیکورٹ کےچیف جسٹس عامرفاروق نےکیس کی سماعت کی۔
درخواست گزارکےوکیل اظہرصدیق عدالت میں پیش ہوئے۔ایڈیشنل پراسیکیوٹر جنرل نیب جہانزیب بھروانہ عدالت میں پیش ہوئے۔
نیب کی جانب سے رپورٹ جمع کرنے کےلئے مزید مہلت کی استدعاکی گئی۔
درخواست میں موقف اختیارکیاگیاکہ نیب ترمیمی آرڈیننس میں ملزم کا جسمانی ریمانڈ 40 دن تک بڑھایا گیا،نیب افسران پر جھوٹے مقدمات بنانے پر 5 سال کی سزا تھی جسے کم کرکے دو سال کردیاگیا۔
عدالت نےنیب کی وقت مانگنےکی استدعامنظورکرتےہوئے سماعت 22 اگست تک ملتوی کردی۔