پیرس اولمپکس میں کامیابی:ارشدندیم پرانعامات کی برسات

پیرس اولمپکس میں کامیابی حاصل کر نےکےبعدایتھلیٹ ارشدندیم پرانعامات کی برسات شروع ہوگئی۔
پیرس اولمپکس میں 40 سال بعد پاکستان کیلئے پہلا گولڈ میڈل جیتنے والے پاکستانی ایتھلیٹ ارشدندیم نےناصرف پاکستان کےلئے گولڈمیڈل جیتابلکہ جیولین تھروکےفائنل میں 92.97 میٹر کی تھرو کرکے 118سالہ ورلڈریکارڈتوڑکرپاکستانی پرچم بھی بلندکیا۔
”شاباش ارشدندیم“ پاکستان کے جیولین تھرو کے لیجنڈ ارشد ندیم کے لئے وزیراعلیٰ پنجاب مریم نوازنے10 کروڑ روپے انعام کا اعلان کیا۔
وزیراعلیٰ پنجاب مریم نوازکاکہناتھاکہ شاباش جشن آزادی پر ارشد ندیم نے گولڈ میڈیل جیت کر قوم کو تحفہ دیا، قوم کی طرف سے ارشد ندیم کو انعام دے کر اُن کا شکریہ ادا کررہے ہیں۔
وزیراعلیٰ پنجاب مریم نوازنےارشد ندیم کے نام سے منسوب سپورٹس سٹی بنانے کا بھی اعلان کردیا۔
مریم نوازکامزیدکہناتھاکہ میاں چنوں میں ارشد ندیم سپورٹس سٹی بنے گا ،ارشد ندیم نے تمام مشکلات کا سامنا کرتے ہوئے 40 سال بعد پاکستان کے لئے گولڈ میڈل جیتا، اولمپکس میں نیا ریکارڈ بنانا ارشد ندیم کی محنت، لگن اور قومی جذبے کا ثبوت ہے،وزیراعلیٰ نےکہاکہ دعاگوہوں کےپاکستان کا پرچم دنیا میں بلند کرنے والے ہر بیٹے اور بیٹی کو اللہ تعالیٰ ہمیشہ سربلند رکھے۔

سندھ حکومت:

دوسری جانب پیرس اولمپکس کےجیولین تھروکےفائنل میں ارشدندیم کےعمدہ کارکردگی کامظاہرہ کرنےپرسندھ حکومت نےپانچ کروڑروپےانعام کااعلان کردیا سندھ حکومت نےارشدندیم کےنام پر سپورٹس اکیڈمی بنانے کا بھی اعلان کر دیا۔
واضح رہےکہ پیرس اولمپکس کےمینزجیولن تھرکےفائنل میں ارشدندیم نے40سال بعدپاکستان کوگولڈمیڈل جیتوادیا۔ارشدندیم نےایونٹ میں سب سےلمبی تھروپھینک کرتاریخ رقم کردی۔
یادرہےکہ پاکستان نے آخری مرتبہ بار سلونا اولمپکس 1992 کی ہاکی میں برانز میڈل جیتا تھا، مزید براں 27 سالہ ارشد ندیم اولمپک کا انفرادی میڈل جیتنے والے تیسرے پاکستانی ہیں۔