سونےکی قیمت میں ایک بارپھر ہزاروں روپےکابڑااضافہ

مقامی مارکیٹ میں سونےکی قیمت میں ایک بارپھر ہزاروں روپےکابڑااضافہ ہوگیا۔
صرافہ مارکیٹ میں سونے کی فی تولہ قیمت میں 2200 روپے کا اضافہ ہونےسے سونا 2 لاکھ 77 ہزار 200 روپے فی تولہ ہوگیا10 گرام سونے کی قیمت میں 1886 روپے کا اضافہ ہونےسے 10 گرام سونا 2 لاکھ 37 ہزار 654 روپے پر پہنچ گیا۔
عالمی مارکیٹ میں سونا 22 ڈالر کے اضافے سے 2675 ڈالر فی اونس کا ہوگیا جبکہ چاندی کی فی تولہ قیمت 3 ہزار 50 روپے پر مستحکم رہی۔
یادرہےکہ گزشتہ روزصرافہ مارکیٹ میں سونے کی فی تولہ قیمت میں 700 روپے کی کمی ہوئی تھی جس سے سونا 2 لاکھ 75 ہزار روپے فی تولہ ہوگیاتھا10 گرام سونے کی قیمت میں 600 روپے کی کمی ہوئی تھی جس سے 10 گرام سونا 2 لاکھ 35 ہزار 768 روپے کا ہوگیاتھا۔
عالمی مارکیٹ میں سونے کی قیمت میں 6 ڈالر کی کمی ہونے سے 2653 ڈالر فی اونس کا ہوگیا تھاجبکہ چاندی کی فی تولہ قیمت 3 ہزار 50 روپے پر مستحکم رہی تھی۔