چیمپئنزٹرافی کہاں ہوگی؟فیصلہ آج آئی سی سی بورڈمیٹنگ میں ہوگا

چیمپئنزٹرافی کی میزبانی کافیصلہ آج انٹرنیشنل کرکٹ کونسل(آئی سی سی )کی بورڈ میٹنگ میں ہوگا۔
چیمپنئزٹرافی جیسےمیگاایونٹ کوبھی بھارت نےمتنازعہ بنادیابھارت کی ہٹ دھرمی کی وجہ سےپاکستان میں ہونےوالی آئی سی سی چیمپنئزٹرافی کاشیڈول ابھی تک انٹرنیشنل کرکٹ کونسل اعلان نہیں کیا۔
انٹرنیشنل کرکٹ کونسل (آئی سی سی )نے اس حوالےسے آج بورڈمیٹنگ کاورچوئل اجلاس طلب کیاہےجس میں پاکستان کرکٹ بورڈنےپہلےہی آئی سی سی کو اپنے موقف سےآگاہ بھی کیاہے۔
پاکستان نے بورڈ میٹنگ سے پہلے ٹرافی کا قابل قبول فارمولا مانگا ہے اور چیئرمین پی سی بی محسن نقوی نے پاکستان کے واضح مؤقف سے آئی سی سی کو آگاہ کردیا ہے۔
محسن نقوی نے کہا ہم زخم سہہ لیں گے لیکن ہم اپنی عزت پر بات نہیں آنے دیں گے، پی سی بی چیمپئنز ٹرافی کے سارے انتظامات تقریباً مکمل کرچکاہے۔
بھارت کے پاکستان آنے سے انکار نے معاملہ اُلجھا رکھا ہے اور پی سی بی کا کہنا ہے کہ ہائبرڈ کے تحت نیوٹرل وینیو پر بھارت کے ساتھ میچ قابل قبول نہیں ہے۔
چیمپئنز ٹرافی کا معاملہ:
خیال رہےکہ بھارتی ہٹ دھرمی کے باعث آئی سی سی اب تک چیمپئنز ٹرافی کے نئے شیڈول کا اعلان نہیں کرسکا جس سے براڈکاسٹرز بھی پریشان ہیں کیونکہ انہیں کروڑوں ڈالر نقصان کا خدشہ ہے۔
اس حوالے سے آئی سی سی نے آج 29 نومبر کو بورڈ میٹنگ بلائی ہے، آئی سی سی کے ترجمان نے تصدیق کی ہے کہ یہ میٹنگ آن لائن منعقد ہوگی اور تمام بورڈ ممبران کو ایجنڈا بھیج دیا گیا ہے۔
واضح رہےکہ چیمپئنزٹرافی آئندہ سال2025کےماہ فروری اورمارچ میں پاکستان میں شیڈول تھی ۔