یوٹیوب میں ایک اور دلچسپ فیچر صارفین کیلئے متعارف

یوٹیوب صارفین کیلئےبڑی خوشخبری،دنیا بھر میں مقبول ویڈیوز شیئرنگ ایپ نے ایک اور دلچسپ فیچر متعارف کروا دیا ۔
یو ٹیوب کا کہنا ہے کہ یہ فیچر ان صارفین کو زیادہ پسند آئے گا، جو گیمز کھیلنا پسند کرتے ہیں۔کمپنی کی جانب سے اعلان کیا گیا ہے کہ اب صارفین ویڈیو شیئرنگ پلیٹ فارم میں ملٹی پلیئر فنکشن کو آزما سکتے ہیں،یعنی اب یو ٹیوب صارفین ایک گیم کو رئیل ٹائم میں دیگر افراد کے ساتھ ملکر کھیل سکیں گے،مگر صارفین کو یوٹیوب میں 100 سے زائد گیمز کے پلے ایبل کیٹلاگ تک رسائی نہیں ملے گی۔
یو ٹیوب میں ایک نئے ملٹی پلیئر فیچر کی آزمائش شروع کی ہے، جس میں چند گیمز صارفین کو دستیاب ہوں گی۔ ملٹی پلیئر فیچر سے پلیئرز رئیل ٹائم میں دیگر صارفین کے ساتھ گیمز کھیل سکیں گے۔ یوٹیوب پلے ایبلز کیلئے نئے فیچر کی آزمائش شروع کر دی ہے اور مستقبل میں کافی کچھ متعارف کرایا جائے گا، تاہم ابھی ملٹی پلیئر فیچر میں صارفین کو ڈیسک ٹاپ اور موبائل ڈیوائسز پر 2 گیمز لڈو کلب اور میجک ٹائلز 3 دستیاب ہیں۔
یوٹیوب کی جانب سے پلے ایبلز گیمز کو رواں برس ستمبر 2023 میں متعارف کرایا گیا تھا اور اس وقت یہ گیمز یوٹیوب پریمیئم کے محدود صارفین کو دستیاب تھیں۔بعد میں یوٹیوب پریمیئم کے تمام صارفین کو ان تک رسائی دی گئی، جبکہ مئی 2024 میں کمپنی کی جانب سے یوٹیوب کے تمام صارفین کیلئے انہیں متعارف کرا دیا گیا تھا،لہٰذا ماہرین کے بقول نئے فیچر کو بھی جلد تمام صارفین کیلئے متعارف کروا دیا جائے گا۔