ہم قانون سازہیں،قانون کوبطورکھلواڑ نہیں بننےدیں گے،مولانافضل الرحمان

سربراہ جےیوآئی مولانافضل الرحمان نےکہاہےکہ مدارس رجسٹریشن بل ایکٹ بن چکاہے،گزٹ نوٹیفکیشن کیوں نہیں جاری کیاجارہاہے۔ہم قانون سازہیں،قانون کوبطورکھلواڑ نہیں بننےدیں گے۔

قومی اسمبلی میں اظہارخیال کرتےہوئےسربراہ جمعیت علمااسلام (ف) مولانا فضل الرحمان کاکہناتھاکہ تمام جماعتیں26ویں ترمیم پرآن بورڈتھیں،پارلیمنٹ کےدونوں ایوانوں نے 26ویں ترمیم پاس کی،سیاست میں مذاکرات ہوتے ہیں ،فریق ایک دوسرےکوسمجھاتےہیں،2004میں حکومت اوردینی مدارس میں مذاکرات ہوئے،حکومت نےمدارس کےحوالےسے3سوالات اٹھائے تھے ۔تیسراسوال تھادینی مدارس کاتنظیمی ڈھانچہ کیاہوگا،تینوں سوالات پرمذاکرات کےبعدحکومت مطمئن ہوگئی تھی۔
مولانافضل الرحمان کامزیدکہناتھاکہ مدارس رجسٹریشن ترمیمی بل ایکٹ بن چکاہے،ایوان کی نمائندگی پرہمیں تحفظات ضرورہیں،لیکن یہ ایوان ساتھ ساتھ پارلیمانی ذمہ داریاں بھی نبھارہاہے،وزیراعظم کوکہایہ الجھاہوامسئلہ ہےاسےٹھیک کریں،بل ایکٹ بن چکاہے،گزٹ نوٹیفکیشن کیوں نہیں جاری کیاجارہاہے، معاہدہ تھامدارس کےبینک اکاؤنٹس بھی کھل جائیں گے،ہم قانون سازہیں،قانون کوبطورکھلواڑ نہیں بننےدیں گے۔
اُن کاکہناتھاکہ مدارس بل پرحکومت سب سےبڑی رکاؤٹ ہے،ہمیں کہاجا رہا ہےآئی ایم ایف نا راض ہوجائےگا،ہماری قانون سازیاں کیاآئی ایم ایف کی ایماپرہوں گی؟کوشش ہےکسی تلخی کی طرف نہ جائیں،دینی جماعتیں حکومت کے ساتھ تعاون کررہی ہیں،اس بل کودوبارہ ایوان میں لاناغیرآئینی ہوگا۔