مسیحی بھائیوں کی سیکیورٹی میں کوئی کوتاہی برداشت نہیں ،وزیراعلیٰ مریم نواز

وزیراعلیٰ پنجاب مریم نوازنےکہاہےکہ مسیحی بھائیوں کی سیکیورٹی میں کوئی کوتاہی برداشت نہیں ۔
وزیراعلیٰ پنجاب مریم نوازکی زیرصدارت کرسمس کےموقع پرسیکیورٹی انتظامات کےلئے جائزہ اجلاس منعقدہوا۔
وزیراعلیٰ پنجاب مریم نواز نے صوبہ بھر میں کرسمس کے موقع پر فول پروف سیکیورٹی فراہم کرنےکاحکم دیتےہوئےہدایت کی کہ گرجا گھرو ں میں دعائیہ تقریبات کی سکیورٹی مزید بہتر بنائی جائے۔
وزیراعلیٰ نےہدایت کی کہ تمام ضلعی انتظامیہ اور پولیس افسران خودکرسمس انتظامات کی نگرانی کریں،مریم نوازنےہدایت دی کہ لاہور سمیت تمام بڑے شہروں کے گرجا گھروں میں پولیس اور دیگر سیکیورٹی اہلکاروں کی نفری بڑھائی جائے۔وزیراعلیٰ نے سستے بازاروں میں مسیحی برادری کے لئے خصوصی ڈسکاؤنٹ دینے کی ہدایت کی۔
وزیراعلیٰ نے کرسمس تقریبات کے دوران ٹریفک مینجمنٹ بہتر بنانے کاحکم بھی دیا۔
اس موقع پرگفتگوکرتےہوئےوزیراعلیٰ پنجاب مریم نوازکاکہناتھاکہ مسیحی بھائیوں کی سکیورٹی میں کوئی کوتاہی برداشت نہیں ،گرجا گھرو ں کے ارد گرد صفائی کے لئے متعلقہ محکمے ذمہ داری اداکریں۔