190ملین پاؤنڈکیس تاریخ کی سب سےبڑی چوری ہے،عظمیٰ بخاری

وزیراطلاعات پنجاب عظمیٰ بخاری نےکہاہےکہ 190ملین پاؤنڈکیس تاریخ کی سب سےبڑی چوری ہے۔
لاہورمیں پریس کانفرنس کرتےہوئے صوبائی وزیراطلاعات عظمیٰ بخاری کا کہنا تھا کہ 190ملین پاؤنڈریفرنس کی 100سےزائدسماعتیں ہوئیں،190ملین پاؤنڈریفرنس ایک سال میں مکمل ہوا،فیصلہ آنےکےبعدکل پی ٹی آئی والے رورہےتھے،بانی پی ٹی آئی کی کیبنٹ کےلوگوں سےبندلفافےمیں منظوری لی گئی،بندلفافہ اب توکھل گیااس وقت کیبنٹ کےسامنےکھولناتھا،اب توآپ کےسارےلفافےکھل گئےوہی کیسزچل رہےہیں۔
عظمیٰ بخاری کامزیدکہناتھاکہ شہزاداکبراورفرح گوگی نےملکرڈیل کوانجام تک پہنچایا،شہزاداکبرکاایک کلپ بھی سامنےآیاتھالندن میں بریف کیس وصول کررہےتھے،اسلام آبادہائیکورٹ نےشہزاداکبرکوملک سےباہرجانےکی اجازت دی،شہبازگل اداروں کیخلاف سازشیں کررہاہے،190ملین پاؤنڈکیس تاریخ کی سب سےبڑی چوری ہے۔
اُن کاکہناتھاکہ عمرایوب کہتےہیں کرپشن کاپوچھناہےتوحسن نوازسےپوچھیں،شہزاداکبرنےخوداوراین سی اےسےبھی تحقیقات کرائیں،این سی اےنےاکاؤنٹ تفصیلات چیک کرکےحسن نوازکوکلین چٹ دی،علیمہ خانم کہتی ہیں بانی پی ٹی آئی ڈیل نہیں کرینگے،سزاکیلئےتیارہیں،یہ کل سےکہہ رہےہیں اعلیٰ عدالت میں یہ کیس پہلی ہی پیشی پرختم ہوجائےگا۔انہیں کون بتارہاہےکہ اعلیٰ عدالتیں اس کیس کوختم کردینگی۔مجھےان کےبیان پرتشویش ہےاعلیٰ عدالتیں اس کانوٹس لیں۔
وزیراطلاعات کامزیدکہناتھاکہ بانی پی ٹی آئی نےحکومت میں ہوتےہوئےایک یونیورسٹی نہیں بنائی، القادر یونیورسٹی سےفائدہ لیناتھااس کےپیچھےچھپ کرپیسہ بٹورناتھا،این سی اےنےکہاکہ یہ پیسہ ریاست پاکستان کی ملکیت ہے،بانی پی ٹی آئی اوران کی اہلیہ نے190ملین پاؤنڈمیں ڈاکہ ڈالا۔