متحدہ عرب امارات کے ویزاپالیسی میں بڑی تبدیلی،نئی ہدایات جاری

متحدہ عرب امارات کے ویزا پالیسی میں بڑی تبدیلی ،کیاشرائط عائدہونگی۔تفصیلات سامےآگئیں۔
یو اے ای سفارتخانے کے ترجمان کے مطابق ویزا اپلائی کرنے کے بعد نوٹیفکیشن جاری کیا جائے گاویزا فیس فی کس 69 امریکی ڈالر مقرر کی گئی ہے جبکہ تمام ویزوں کے لیے درخواست آن لائن جمع کرانا ضروری ہوگا۔
ترجمان کے مطابق درخواست دہندگان کو ضروری دستاویزات اپنے ساتھ رکھنی ہوں گی۔ درخواست جمع کراتے وقت ہوٹل یا رہائش کا ثبوت فراہم کرنا ہوگاجبکہ کنفرم ریٹرن ٹکٹ بھی دکھانا ضروری ہوگا۔ اور بینک اسٹیٹمنٹ میں کم از کم 5 ہزار امریکی ڈالر یا مساوی رقم ہونا لازمی ہے۔
ویزا کے لیے پاسپورٹ کی میعاد کم از کم 6 ماہ ہونا لازمی ہے اور ویزا فیس مخصوص الفلاح بینک اکاؤنٹ میں جمع کرانی ہوگی۔
دوسری جانب بچوں کےلئے بھی ویزاپالیسی متعارف کرائی گئی،جس کےمطابق 5 سال سے کم عمر بچوں کو ویزا سینٹر جانے کی ضرورت نہیں جبکہ 6 سے 15 سال کے بچوں کی تصویر ویزا سینٹر میں لی جائے گی۔ 15 سال یا اس سے زائد عمر کے بچوں کو ویزا سینٹر جانا لازمی ہوگا۔
ترجمان کے مطابق بائیومیٹرک تصدیق اور ویزا پراسیسنگ کا عمل ویزا سینٹر میں مکمل کیا جائے گا۔