ہنڈا کی ڈرائیور کے موڈ کے مطابق چلنے والی کاریں متعارف

نئی گاڑی خریدنے کے شوقین افراد کیلئے خوشخبری، ہنڈا نے ڈرائیور کے موڈ کے مطابق چلنے والی کاریں متعارف کروا دیں ۔
مشہور کار ساز کمپنی ہنڈا نے ڈرائیور کے موڈ کے مطابق چلنے والی الیکٹرک کاروں کے 2 ماڈلز متعارف کروا دیے۔ہنڈا نے دو نئی الیکٹرک کاروں کے ماڈلز متعارف کروائے ہیں، جو زیرو سیریز نامی سلسلے کا حصہ ہیں اور انہیں 2026 میں مارکیٹ میں پیش کیا جائے گا۔
رپورٹ کے مطابق جن ماڈلز کو پیش کیا گیا ہے ان کے بارے میں کمپنی کا کہنا ہے کہ جب 2026 میں ان کو مارکیٹ میں فراہم کیا جائے گا، تو وہ ماڈلز 90 فیصد تک ان سے مماثلت رکھیں گے۔ ہنڈا کا زیرو سیریز میں لانچ ہونے والا پہلا ماڈل ایک ایس یو وی ہے۔ اس گاڑی کے ڈیزائن کا اگلا حصہ کم و بیش روایتی ہے تاہم اس کار کا پچھلا حصہ چھوٹے شیشے، اونچی اور لمبی باڈی اور یو شیپ لائیٹوں کے ساتھ اسے ایس یو وی کاروں کی مارکیٹ میں غیر روائتی بناتا ہے، جبکہ ہنڈا کی جانب سے پیش کی جانے والی دوسری الیکٹرک کار کا ماڈل جسے ‘سیلون’ کا نام دیا گیا ہے۔
زیرو سیریز کی سب سے لگژری کاروں میں سے ایک ہے، تاہم اس کا ڈیزائن کافی غیر روایتی اور بولڈ ہے۔یہ ایک لمبی اور سپورٹی لک میں ہے۔ اس گاڑی کی ہیڈلائٹس اور باڈی پینل ایک ہی رنگ میں ہیں، جبکہ اس کی پچھلی لائٹیں تھری ڈی ہیں۔
سیلون میں پچھلے دروازے میں شیشے نہیں اور اس پیچھے دیکھنے والا شیشہ کیمرے کے ساتھ کام کرتا ہے۔اس کے سائیڈ پر بھی شیشوں کی جگہ کیمرے لگائے گئے ہیں۔