طلبا کی موجیں:پی ایس ایل میچز ، لاہور میں سکولوں کے اوقات ِکار تبدیل

سکولوں کے طلبا و طالبات کی موجیں،پی ایس ایل کے میچز کے باعث لاہور میں سکولوں کے اوقات ِکار تبدیل،محکمہ تعلیم نےپی ایس ایل سیزن 10 کے میچز کی وجہ سے لاہور میں سکولوں کے اوقاتِ کار تبدیل کر دیے۔
محکمہ تعلیم نے 56 سرکاری و نجی تعلیمی اداروں کے اوقات ِکار میں تبدیلی کا نوٹیفکیشن جاری کر دیا۔
نوٹیفکیشن کے مطابق صبح 8 بجے سکول آنیوالے طلباو طالبات کو سوا سات بجے تک حاضری مکمل کرنے کی ہدایت کی گئی ہے، جبکہ ایک بجے چھٹی کرنیوالے سکولوں کو 12 بجے تک چھٹی کرنے کی ہدایات جاری کی گئی ہیں۔
محکمہ تعلیم کا کہنا ہے کہ پی ایس ایل میچز کے دوران سکولوں کے اوقات ِکار میں تبدیلی کی گئی ہے۔
محکمہ تعلیم کے مطابق طلبا، والدین اور عملے کی سہولت کیلئے اوقات ِکار تبدیل کئے گئے ہیں۔ محکمہ تعلیم کے ترجمان کے مطابق یہ ہدایات صرف پی ایس ایل میچز کے شیڈول کے دوران قابل اطلاق رہیں گی۔