چیف جسٹس یحییٰ آفریدی کانفرنس میں شرکت کیلئےچین روانہ

چیف جسٹس یحییٰ آفریدی وفد کے ہمراہ ایس سی اوکانفرنس میں شرکت کےلئےچین روانہ ہوگئے۔
سپریم کورٹ کےاعلامیہ کےمطابق چیف جسٹس یحییٰ آفریدی ایس سی اوعدالتی کانفرنس میں وفدکی قیادت کریں گے،کانفرنس 22سے26اپریل چین کے شہر ہانگژومیں منعقدہوگی،وفدمیں جسٹس امین الدین ،جسٹس شاہدوحیداورضلعی عدلیہ کے2ججزبھی شامل ہیں۔ڈسٹرکٹ اینڈسیشن جج گوادرظفرجان اورسینئرسول جج ضلع لکی مروت نادیہ گل وزیروفدکاحصہ ہیں۔
اعلامیہ میں کہاگیاکہ چیف جسٹس پاکستان چین کےساتھ تاریخی مفاہمتی یادداشت پردستخط کریں گے،چیف جسٹس پاکستان کی ایران اورترکی کےساتھ دوطرفہ ملاقاتیں بھی شیڈول ہیں،چیف جسٹس یحییٰ آفریدی خصوصی دعوت پرترکی کابھی دورہ کریں گے،چیف جسٹس ترکی کی آئینی عدالت کی 63ویں سالگرہ کی تقریبات میں شرکت کریں گے۔