سونےکی قیمت میں ایک بارپھرہزاروں روپےکااضافہ

مقامی وعالمی مارکیٹ میں سونےکی قیمت میں ایک بارپھربڑااضافہ ہوگیا۔
صرافہ مارکیٹ میں 24قیراط کے حامل فی تولہ سونے کی قیمت 2ہزار 100روپے کااضافہ ہونےسےفی تولہ سونا 3لاکھ 49ہزار 200روپے کاہوگیا،جبکہ 10گرام سونےکی قیمت میں 1ہزار 800روپے کااضافہ ہونےسے10گرام سونےکی قیمت 2لاکھ 99ہزار 382روپے ہوگئی۔
اس کے برعکس فی تولہ چاندی کی قیمت بغیر کسی تبدیلی کے 3ہزار 497روپے اور دس گرام چاندی کی قیمت بھی بغیر کسی تبدیلی کے 2ہزار 998روپے کی سطح پر مستحکم رہی۔
بین الاقوامی بلین مارکیٹ میں تین روزہ وقفے کے بعد سونے کی قیمت میں دوبارہ اضافہ ریکارڈ کیا گیا اور منگل کو فی اونس سونے کی قیمت 21ڈالر کے اضافے سے 3ہزار 310ڈالر کی سطح پر آگئی۔