ڈالےکے شوقین افراد کیلئے بڑا ڈسکاؤنٹ، سستے میں شوق پورا کرنے کا موقع

ڈالا خریدنے کے خواہشمند افراد کیلئے خوشخبری، جے اے سی گیٹ وے پاکستان نے اپنے T9 ہنٹر پک اپ ٹرک کی قیمت میں بڑی کمی کا اعلان کردیا ۔
تفصیلات کے مطابق جے اے سی گیٹ وے پاکستان نے اپنے T9 ہنٹر پک اپ ٹرک پر محدود مدت کیلئے 2.5 لاکھ روپے کی قیمت میں کمی کا اعلان کیا ہے۔اس آفر میں گاڑی کی بکنگ 25 لاکھ روپے سے شروع ہو رہی ہے اور یہ پیشکش سونیری بینک اور البرکہ بینک کے ذریعے دستیاب ہے۔
ڈالے کے شوقین خریدار جے اے سی کی ڈیلرشپ پر جا کر گاڑی کی بکنگ کروا سکتے ہیں۔ کمپنی نے بکنگ کے عمل اور دیگر معلومات کیلئے خصوصی ہیلپ لائن نمبر بھی فراہم کیے ہیں، جو ویب سائٹ پر موجود ہیں۔
جے اے سی کے مطابق T9 ہنٹر کو اس آفر کے تحت ترجیحی بنیادوں پر ترسیل کیا جائے گا، تاہم کمپنی نے ابھی تک یہ واضح نہیں کیا کہ یہ آفر کب تک دستیاب رہے گی یا مستقبل میں کسی دوسرے پیچ پر بھی یہ قیمتیں لاگو ہوں گی یا نہیں، لیکن عمومی طور پر اس قسم کے اعلان کے بعد یہ توقع کی جا تی ہے کہ قیمت میں کمی محدود مدت کیلئے ہی ہوتی ہے۔