بیس لاکھ سےزائد حجاج کرام کیلئےحرمین ایکسپریس کے روزانہ 140 سفر

حرمین ایکسپریس کے روزانہ 140 سفر، 20 لاکھ سے زائد حجاج کیلئے آرام دہ سہولت متعارف ،سعودی عرب کی ریلوے کمپنی سار نے اعلان کیا ہے کہ رواں سال حج 1446ھ کے سیزن میں الحرمین ایکسپریس کے ذریعے روزانہ 140 تک سفر انجام دیے جا رہے ہیں۔
حرمین ایکسپریس کے ذریعے 20 لاکھ سے زائد عازمین کو آرام دہ اور محفوظ سفری سہولت فراہم کی جا رہی ہے۔
میڈیارپورٹس کے مطابق سار نے اس سال مجموعی طور پر 4700 سے زائد شیڈول سفر ترتیب دیے ہیں، جو پچھلے سال کے مقابلے میں 4 لاکھ اضافی نشستوں کا اضافہ ہے۔ یہ اقدام حجاج کی نقل و حرکت کو آسان بنانے اور ان کے سفر کو مزید خوشگوار بنانے کیلئے اٹھایا گیا ہے۔
الحرمین ایکسپریس سعودی عرب کے قومی ٹرانسپورٹ سسٹم کا جدید ستون ہے، جو 453 کلومیٹر طویل برقی ریلوے لائن پر مبنی ہے۔