اینڈرائیڈ فون صارفین اب فونزمیں فوٹو شاپ استعمال کرسکتے ہیں

اینڈرائیڈ فون کےصارفین کیلئے خوشخبری، اینڈرائیڈ صارفین اب تصاویرایڈٹ کرنیوالی مقبول سروس فوٹو شاپ کو اپنی ڈیوائسز پر استعمال کرسکتے ہیں۔
ایڈوب کی جانب سے اعلان کیا گیا ہے کہ فوٹو شاپ کو گوگل پلے سٹور کا حصہ بنا دیا گیا ہے اور بیٹا (beta) اینڈرائیڈ ایپ مفت دستیاب ہے۔فوٹو شاپ کی سروس 35 برسوں سے دستیاب ہے، مگر اب جا کر اس کی حقیقی موبائل ایپ کو سمارٹ فونز کیلئے متعارف کروایا گیا ہے۔
فروری میں پہلے آئی فونز کیلئے فوٹو شاپ ایپ کا ابتدائی ورژن جاری کیا گیا تھا۔اب اینڈرائیڈ فونز کیلئے فوٹو شاپ ایپ کو متعارف کروا دیا گیا ہے۔اوریجنل فوٹو شاپ کے متعدد فیچرز موبائل ایپ میں موجود ہیں، جیسے لیئرز اور دیگر، جبکہ آرٹی فیشل انٹیلی جینس (اے آئی) ٹول جنریٹیو فل بھی اینڈرائیڈ صارفین کو دستیاب ہوگا۔
اس کے ساتھ اڈوب سٹاک لائبریری تک رسائی بھی حاصل ہوگی۔اڈوب کی جانب سے جاری بیان میں بتایا گیاہے کہ مستقبل قریب میں مزید فیچرز بھی فوٹو شاپ ایپ کا حصہ بنائے جائیں گے۔اب تک اینڈرائیڈ صارفین کو فوٹو شاپ کو استعمال کرنے کیلئے کمپیوٹر کا استعمال کرنا پڑتا تھا، جبکہ موجودہ عہد میں فونز میں کافی تصویری مواد ایڈٹ کیا جاتا ہے۔اب یہ صارفین فونز میں ہی فوٹو شاپ استعمال کرسکیں گے۔