سفر و سیاحت کا نیاانداز:بغیر ڈرائیور والی روبوٹیکسی سروس کا آغاز

سفر و سیاحت کا نیاانداز،بغیر ڈرائیور والی روبوٹیکسی سروس کا آغاز،ٹیسلا نے ٹیکساس میں بغیر ڈرائیور والی روبوٹیکسی سروس متعارف کروادی۔
الیکٹرک گاڑیاں بنانیوالی مشہور امریکی کمپنی ٹیسلا نے ٹیکساس کے شہر آسٹن میں اپنی بغیر ڈرائیور والی خودکار روبوٹیکسی سروس محدود سطح پر شروع کی، جسے کمپنی کے سربراہ ایلون مسک نے دہائی بھر کی محنت کا ثمر قرار دیا ہے۔یہ پہلا موقع ہے جب ٹیسلا کی خودکار گاڑیوں نے انسانی ڈرائیور کے بغیر باقاعدہ مسافروں کو سروس فراہم کی ہے۔ٹیسلا نے اس منصوبے کیلئے آسٹن کے علاقے ساؤتھ کانگریس میں تقریباً 10 گاڑیوں پر مشتمل ایک مختصر ٹرائل شروع کیا۔ ہر گاڑی میں اگلی نشست پر ایک سکیورٹی مانیٹر موجود ہوگا، مگر ڈرائیور کی نشست خالی ہوگی، مسافروں سے فی سواری تقریباً ساڑھے چار امریکی ڈالر وصول کیے جا رہے ہیں۔بغیر ڈرائیور والی روبوٹیکسی سروس کا دائرہ محدود علاقوں تک رکھا گیا ہے،نیز خراب موسم، مشکل چوراہے اور کم عمر (18 سال سے کم) مسافروں سے گریز کیا جائے گا۔
ماہرین کا کہنا ہے کہ یہ تجربہ اہم سنگ میل ضرور ہے، لیکن پوری روبوٹیکسی صنعت کی شروعات کا ابتدائی مرحلہ ہی کہا جا سکتا ہے۔