پنجاب یونیورسٹی نے فیسوں میں 59 فیصد تک اضافہ کر دیا

یونیورسٹی میں داخلہ لینےکے خواہشمند طلبا و طالبات کیلئے اہم خبر،پنجاب یونیورسٹی نے فیسوں میں 59 فیصد تک اضافہ کر دیا۔
پنجاب یونیورسٹی کی فیسوں میں 16 سے 59 فیصد اضافہ کردیا ہے،جو رواں ماہ جولائی سے ہی نافذ العمل ہو گا۔ فیسوں میں اوسطاً 28 فیصد تک اضافہ کیا گیا ہے۔ ایل ایل ایم کی فیس میں 5,825 روپے کا اضافہ، یعنی 59 فیصد اضافہ،بی ایس سی، بی کام، بی بی اے اور ایم بی اے کی فیسوں میں 15فیصد اضافہ، ڈی فارمیسی کی فیس 18,000 سے بڑھا کر 23,000 روپے کردی گئی ہے۔
ایل ایل بی پر 28 فیصد اضافہ اور میڈیکل ڈپلومہ پر 16فیصد اضافہ کیا گیا ہے۔
انتظامیہ کے مطابق یونیورسٹی سنڈیکٹ کی منظوری کے بعد سالانہ فیسوں میں اضافہ کیا گیا ہے۔