ملک بھر میں مون سون ہوائیں داخل، شدید بارشوں کی پیشگوئی

بادل کھل کر برسیں گے،ملک بھر میں مزید بارشوں کی پیشگوئی،محکمہ موسمیات نےمتعلقہ محکموں سمیت سیاحوں اور شہریوں کو خبردار کر دیا۔
محکمہ موسمیات کا کہنا ہے کہ پنجاب اور سندھ سمیت خیبر پختونخوا میں تاحال طاقتور مون سون کا سلسلہ موجود ہے، جس کے زیر اثر کراچی سے کشمیر تک کل 5 اگست سےموسلا دھار بارشوں کا امکان ہے۔
محکمہ موسمیات کاکہناہےکہ آج وفاقی دارالحکومت اسلام آبادمیں تیزہواؤں اورگرج چمک کےساتھ بارش کا امکان ہے،راولپنڈی،مری،گلیات ،گجرات،گوجرانوالہ اورحافظ آبادمیں بارش متوقع ہے،منڈی بہاؤالدین، سیالکوٹ، نارووال، لاہور اورشیخوپورہ میں بارش کی توقع ہے،جہلم ،اٹک ،چکوال،خوشاب ،میانوالی اورڈیرہ غازی خان میں بھی بارش کاامکان ہے۔
موسم کاحال بتانےوالوں کاکہناہےکہ ژوب ،بارکھان،کوہلو،خضداراورموسیٰ خیل میں بارش متوقع ہے، چترال،دیر،سوات،بونیر،شانگلہ ،کوہستان اوربٹگرام میں بارش کاامکان ہے،اُدھرمانسہرہ،ایبٹ آباد، کرم، پشاور،نوشہرہ اورمالاکنڈمیں بارش کی توقع ہے،صوابی ،مردان،باجوڑ،مہمند،خیبر،اورکزئی اورکوہاٹ میں بارش متوقع ہے،ہنگو،کرک ،بنوں اوروزیرستان میں موسلادھابارش کاامکان ہے۔
محکمہ موسمیات کےمطابق سندھ کےساحلی علاقوں میں مطلع جزوی ابرآلودرہنےکی توقع ہے،دوسری جانب کشمیراورگلگت بلتستان میں مطلع جزوی ابرآلودرہےگا۔
محکمہ موسمیات نے پہاڑی علاقوں کا رخ کرنیوالے سیاحوں کو بارش کے دوران لینڈسلائیڈنگ سے بچنے کیلئے احتیاطی تدابیر اپنانے جبکہ متعلقہ اداروں کو فلڈ الرٹ جاری کر دیا ہے۔