ہانگ کانگ : کیتھے پیسیفک ایئرلائن کا بوئنگ طیارے خریدنے کا اعلان

فضائی مسافروں کیلئے اہم خبر،ہانگ کانگ کی کیتھے پیسیفک ایئرلائن کا بوئنگ طیارے خریدنے کا اعلان،کیتھے پیسیفک دنیا بھر میں 100 سے زائد مقامات کیلئے پروازیں چلا رہی ہے۔
ہانگ کانگ کی فضائی کمپنی کیتھے پیسیفک نے 8.1 ارب امریکی ڈالر مالیت کے 14 بوئنگ 9-777 طیارے خریدنے کا اعلان کیا ہے۔یہ کمپنی کا گزشتہ 12 برسوں میں امریکی طیارہ ساز کمپنی بوئنگ سے پہلا معاہدہ ہے۔
اے ایف پی کی رپورٹ کے مطابق کمپنی نے ہانگ کانگ سٹاک ایکسچینج میں جمع کرائی گئی فائلنگ میں بتایا گیا ہے کہ ہم نے 14 بوئنگ 9-777 طیارے خریدنے کیلئے اپنے پہلے سے موجود خریداری کے اختیارات استعمال کیے ہیں اور مزید 7 طیاروں کے حصول کا اضافی اختیار بھی محفوظ کر لیا ہے۔معاہدے کے مطابق یہ طیارے 2034 تک مرحلہ وار فراہم کیے جائیں گے۔
کیتھے پیسیفک نے یہ اعلان ایسے وقت میں کیا ہے، جب کمپنی کا خالص منافع بڑھ کر 3.65 ارب ہانگ کانگ ڈالر ہو گیا ہے، جس کی بنیادی وجہ ایشیا میں سفر کی مانگ میں اضافہ ہے۔