عافیہ صدیقی کیس میں اہم پیشرفت

عافیہ صدیقی کیس میں اہم پیشرفت،اسلام آبادہائیکورٹ نےلارجربینچ تشکیل دےدیا۔
اسلام آباد ہائیکورٹ کےچیف جسٹس سرفرازڈوگر نے ڈاکٹر عافیہ صدیقی کی رہائی اورصحت سےمتعلق کیس کی سماعت کے لیے 4 رکنی لارجربینچ تشکیل دیا ہے۔
جسٹس ارباب محمدطاہر کی سربراہی میں 4 رکنی لارجر بینچ میں دیگرججزمیں جسٹس خادم سومرو، جسٹس اعظم خان اور جسٹس انعام امین منہاس شامل ہیں۔لارجربینچ 10 ستمبر کوکیس کی  سماعت کرے گا۔
ڈاکٹر عافیہ صدیقی کیس کو جسٹس سردار اعجاز اسحاق کی کورٹ سے ٹرانسفر کر دیا گیا تھا، جسٹس سردار اعجاز نے وزیراعظم اور کابینہ ارکان کو توہین عدالت کے نوٹس جاری کیے تھے۔
جسٹس سردار اعجاز اسحاق ٹیکس کیسز سننے والے اسپیشل ڈویژن بینچ کا حصہ ہیں، جسٹس سردار اعجاز اسحاق سے سنگل بینچ میں زیر سماعت کیسز واپس لے لیے گئے تھے۔

واضح رہےکہ اس سے قبل ڈاکٹر عافیہ صدیقی کی رہائی کا کیس جسٹس سردار اعجاز اسحاق سے جسٹس انعام امین منہاس کی عدالت منتقل کر دیا گیا تھاجس پر جسٹس انعام نےگزشتہ سماعت پر لارجر بینچ کی تشکیل کے لیے فائل چیف جسٹس اسلام آباد ہائیکورٹ کو بھجوا دی تھی۔