اوپن اے آئی کا اہم ا قدام: چیٹ جی پی ٹی میں پیرنٹل کنٹرول فیچر متعارف

چیٹ جی پی ٹی میں پیرنٹل کنٹرول فیچر متعارف،آرٹی فیشل انٹیلی جینس کمپنی اوپن اے آئی نے چیٹ جی پی ٹی میں نیا فیچر پیرنٹل کنٹرول متعارف کروانے اعلان کر دیا۔
کمپنی کے مطابق یہ اقدامات خاص طور پر ان والدین کیلئے ہیں، جو اپنے بچوں کے استعمال پر حدود مقرر کرنا چاہتے ہیں۔
الجزیرہ نیوز کے مطابق ان نئے فیچرز کے تحت والدین اپنے اکاؤنٹس کو بچوں کے چیٹ جی پی ٹی اکاؤنٹس سے منسلک کر سکیں گے، ساتھ ہی وہ کچھ آپشنز جیسے چیٹ ہسٹری اور میموری کو بند کر سکیں گے اور عمر کے لحاظ سے موزوں انداز میں جواب دینے کیلئے قواعد بھی طے کر سکیں گے۔اس کے علاوہ والدین کو اس وقت نوٹیفکیشن بھیجا جائے گا، جب ان کا بچہ پریشانی یا ذہنی دباؤ کی علامات ظاہر کرے گا۔
اوپن اے آئی کے مطابق اس فیچر کے نفاذ میں ماہرین کی رائے شامل کی جائے گی ،تاکہ والدین اور بچوں کے درمیان اعتماد قائم رہے۔
کمپنی نے وضاحت جاری کی ہے کہ یہ اقدامات ابتدائی ہیں اور آئندہ 120 دنوں میں مزید بہتری کیساتھ مزیدپیشرفت جاری رکھی جائے گی۔