پی ڈی ایم اےنےپنجاب بھرمیں بارشوں کاالرٹ جاری کردیا

صوبائی ڈیزاسٹرمینجمنٹ اتھارٹی (پی ڈی ایم اے)نے پنجاب بھرمیں بارشوں کاالرٹ جاری کردیا۔
پی ڈی ایم اےالرٹ کےمطابق آج رات سے7اکتوبرتک پنجاب کے بیشتر اضلاع میں بارشوں کی پیشگوئی کی گئی ہے۔
ترجمان پی ڈی ایم اےکاکہناہےکہ بالائی علاقوں میں بارشوں کےباعث پانی کےبہاؤمیں اضافےکاخدشہ ہے،مغربی ہوائیں صوبےکےبالائی علاقوں میں داخل ہوچکی ہیں۔
پی ڈی ایم اےکی جانب سےجاری کردہ الرٹ کےمطابق لاہور، راولپنڈی، مری،گلیات ،اٹک،چکوال اورجہلم میں بارش کی پیشگوئی کی گئی ہے،جبکہ منڈی بہاؤالدین،گجرات،گوجرانوالہ،حافظ آباد، وزیرآباد اور سیالکوٹ میں بھی بارش کاامکان ظاہرکیا گیاہے ۔
پی ڈی ایم اےکےمطابق نارووال، میانوالی، خوشاب، سرگودھا،جھنگ،ننکانہ صاحب،ٹوبہ میں بارش متوقع ہے۔اُدھرڈی جی خان، بھکر، لیہ، بہاولپور، بہاؤلنگر، راجن پور اور رحیم یارخان میں بھی بارش کی توقع ہے۔
ڈی جی پی ڈی ایم اےعرفان علی کاٹھیانےکہاہےکہ مری،گلیات اورراولپنڈی میں بارشوں سےندی نالوں کے بہاؤمیں اضافےکاامکان ہے۔
پی ڈی ایم اےنےپنجاب بھرکےکمشنرزاورڈپٹی کمشنرزکوالرٹ جاری کردیا۔