سعودی عرب کاپاکستان اورافغانستان میں جنگ بندی معاہدےکاخیرمقدم

سعودی عرب نےپاکستان اورافغانستان کے درمیان  جنگ بندی معاہدے کا خیرمقدم کیاہے۔
عرب میڈیاکےمطابق سعودی وزیر خارجہ نےکہاہےکہ جنگ بندی سےخطےمیں امن واستحکام کوتقویت ملےگی،سعودی عرب دونوں برادرممالک کےدرمیان امن اورسلامتی کاخواہاں ہے،خواہش ہےدونوں ممالک تنازعات کوبہتراندازسےحل کریں تاکہ حالات کشیدہ نہ ہوں۔
خیال رہے کہ قطری وزارت خارجہ نے اعلان کیا تھا کہ پاکستان اور افغانستان جنگ بندی پر راضی ہوگئے ہیں۔اس جنگ بندی کا فیصلہ دوحہ میں ہونے والے مذاکرات کے دوران ہوا۔
قطری وزارت خارجہ کی جانب سےجاری بیان میں کہا گیا کہ پاکستان اور افغانستان کے درمیان جنگ بندی پر اتفاق قطر و ترکیے کی ثالثی میں ہوا۔دونوں ممالک نے آئندہ چند دنوں میں مزید ملاقاتیں کرنے اور دونوں ممالک کے درمیان امن اور استحکام کے لیے مستقل مکینزم بنانے پر بھی اتفاق کیا ہے۔

بعد ازاں وزیر دفاع  خواجہ آصف نے ایکس پر اپنےبیان میں تصدیق کی کہ پاکستان اور افغانستان کے مابین سیز فائر کا معاہدہ طے پاگیا ہے۔
خواجہ آصف نے کہا کہ پاکستان کی سرزمین پر افغانستان سے دہشت گردی کا سلسلہ فی الفور بند ہوگا، دونوں ہمسایہ ملک ایک دوسرے کی سرزمین کا احترام کریں گے۔
وزیر دفاع نے مزید کہا کہ 25اکتوبر کو استنبول میں دوبارہ وفود کی ملاقات ہو گی اور معاملات پر تفصیلی بات ہوگی، ہم قطر اور ترکیے دونوں برادر ممالک کے تہہ دل سے شکر گزار ہیں۔