چینی کمپنی نے دیوہیکل روبوٹک مشین متعارف کرا دی

چینی روبوٹکس کمپنی یونٹری روبوٹکس نے اپنے جدید جی ڈی 01 میکا روبوٹ کی ویڈیو جاری کر دی ہے، جس میں کمپنی کے سی ای او کو اس دیوہیکل مشین کو چلاتے ہوئے دیکھا جا سکتا ہے۔

رپورٹس کے مطابق 2.7 میٹر بلند یہ جدید روبوٹک مشین طاقتور مکینیکل بازوؤں کی مدد سے دیواریں توڑنے کی صلاحیت رکھتی ہے، جبکہ اسے ٹرانسفارم ہونے والی جدید میکا ٹیکنالوجی کا حصہ قرار دیا جا رہا ہے۔

کمپنی کے مطابق جی ڈی 01 جدید روبوٹکس اور انجینئرنگ کا منفرد نمونہ ہے، جسے مختلف صنعتی اور خصوصی مقاصد کیلئے تیار کیا گیا ہے۔

رپورٹس میں بتایا گیا ہے کہ اس جدید روبوٹک مشین کی ابتدائی قیمت 6 لاکھ 50 ہزار امریکی ڈالر مقرر کی گئی ہے۔

سوشل میڈیا پر جاری ویڈیو کے بعد جدید روبوٹک ٹیکنالوجی کے شوقین افراد کی جانب سے اس مشین کو غیر معمولی ایجاد قرار دیا جا رہا ہے۔